Tuesday, June 15, 2010

మన వారిలో ఎక్కువగా కనిపించే దంత సమస్య - చిగుళ్ళవ్యాధులు ( Gum Diseases)

ముందుగా ఈ టపా కు స్పూర్తినిచ్చిన టపాలు , వాటిని వ్రాసిన  నేస్తం   గారికి కృతఙ్ఞతలు చెప్పుతూ, ఆ టపాలు చదవకపోతే తప్పకుండా ఒక సారి చదవండి, ఎంతో సరదాగా, సాధారణం గా మన తెలుగు వాళ్ళు ముఖ్యం గా పరాయి దేశాలలో ఉండే వాళ్ళు పళ్ళ బాధలు , పళ్ళ వైద్యుల గురించి ఎలా భావిస్తారో, ఓ ప్రక్క నవ్విస్తూనే మరో పక్క తన బాధలు చక్కగా వ్యక్త పరిచారు.

ఎప్పటినుండో మన వాళ్ళు అశ్రద్దచేసే చిగుళ్ళసమస్యలు వాటికి తీసుకోవాల్సిన  జాగ్రత్తలు గురించి వ్రాయాలి అని అనుకొంటూ  ఉండగానే, ఆ టపా ఇంకోసారి దాని గుర్తుచేసింది.



పై చిత్రం లో ఎడమప్రక్క  ఆరోగ్యమంతమయిన పన్ను, కుడి ప్రక్క  చిగుళ్ళ వ్యాధి ఉన్న పన్ను భాగాలు చూపిస్తుంది.

                              మనం ఎంత సరిగా బ్రష్ చేసుకొన్నా, పళ్ళ మధ్యన ఎంతోకొంత తిండి పదార్దాలు ఇరుక్కొని ఉండటం  వలన ,  దంతక్షయం  మొదలు అవుతుంది. రోజుకు రెండు సార్లు బ్రష్ చేసుకోకపోవటం, అలాగే ఫ్లాస్ చేసుకోకపోవటము, క్రమంతప్పకుండా దంత వైద్యుల దగ్గరకు వెళ్లి, మనం చేసుకొనే బ్రష్ ద్వారా పోని plaque  ను తీయుంచుకోనివారిలో దంత క్షయం సాధారణం గా మొదలు అవుతుంది. అలా పేరుకొన్న plaque గట్టిపడి tartar/calculus   తయారు అవుతుంది, ఇది చిగుళ్ళ పైనే కాక, చిగుళ్ళ క్రింద కూడా మొదలవుతుంది. ఇలా మొదలయిన plaque/calculus బాక్టీరియా దంతక్షయాన్ని కలిగించటమే కాక, చిగుళ్ళ వ్యాది మొదటి దశ అయిన gingavitis కు కారణం అవుతుంది.

                                  Gingavitis (చిగుళ్ళ వ్యాధి లో  మొదటి దశ) లక్షణాలు:
ఈ దశ లో చిగురు వాపు, చిగుళ్ళ వెంబడి బ్రష్ చేస్తున్నప్పుడు రక్తం కొద్దిగా రావటం, అలాగే చిగురుకు,పంటికి మధ్య ఆరోగ్యవంతమయిన పంటి లో ఉండే గ్యాప్ 2,3 మిల్లీమీటర్ లకు బదులు ఎక్కువుగా ఉండటం, అంతే కాక xray లలో పంటి చిగురుకింద calculus కనిపించటం కనిపిస్తాయి. ఈ దశలో ఎటువంటీ నొప్పులు రావటం జరగదు, అందుకని చాలా మంది ఈ దశలో దంతవైద్యుల వద్దకు వెళ్లకపోవటం జరుగుతుంది.

                                   Periodontitis (చిగుళ్ళ వ్యాధి లో తర్వాత దశ) :
 పైన Gingavitis  ను పట్టించుకోకుండా ఉన్నవారిలో ఇది ఉంటుంది.   ఈ దశలో plaque /calculus చిగుళ్ళ కింద ఎక్కువ అవుతూ, పంటి చుట్టూ  ఉండే bone loss మొదలు అవుతుంది, అది క్రమంగా పెరిగి చివరకు severe infections రావటం, పంటి చుట్టూ ఉండే ఎముక తగ్గిపోవటం వలన పన్ను కదిలిపోవటం, నెప్పులు రావటం జరుగుతుంది. చివరకు పళ్ళు పీకిన్చుకొనే పరిస్థితి వస్తుంది.

                                   Treatments :చాలా మొదటి దశ లో  ఉన్నప్పుడు  రెగ్యులర్ cleaning, floss, mouthwash వాడటం సరిపోవచ్చు. కొద్ది ఎక్కువుగా ఉన్నప్పుడు, వైద్యులు SCRP (scaling and root plannig) aka Deep Cleaning  సూచించవచ్చు, కొన్ని పుక్కిలించే మందులు వాడమని చెప్పవచ్చు, ఓ సారి Deep Cleaning  చేసినతర్వాత సాధారణం గా, ౩ నెలలో ఇంకొకసారి రమ్మంటారు, అప్పుడు మళ్ళీ గ్యాప్ కొలతలు తీసుకోవటం, అలాగే చిగుళ్ళ ఆరోగ్యం చూడటం చేస్తారు, అంతా బాగుంటే తర్వాత రెగ్యులర్ గా ప్రతి ఆరు నెలలకు వచ్చి క్లీనింగ్ చేయించుకొనే visits కు schedule చేయటం జరుగుతుంది.

పాతరోజులలో కేవలం hand scalers  వాడి  deep cleanings  చేసేటప్పుడు నెప్పి బాగానే వచ్చేది కాని, ultrasonic scalers  వాడి అదీ మంచి స్కిల్ ఉన్న వారు చేస్తే ఎ మాత్రం నెప్పి రావటం జరగదు, వచ్చినా చాలా తక్కువ మోతాదులో వచ్చి ఒకటి రెండు రోజులలో పోతుంది. (నెప్పి రాలేదు కాబట్టి క్లీనింగ్ సరిగా చేయలేదు అని మాత్రం అనుకోకండి :)) )  కొన్ని ఆఫీసులలో క్లీనింగ్ చేసిన తర్వాత (ముఖ్యం గా heavy calculus ఉన్న కేసులలో) x-rays  తీసి మొత్తం తీయగాలిగారో లేదో కంపేర్ చేసుకొని చూస్తారు.
ఒకసారి gingavitis  కు ట్రీట్మెంట్ చేసినతర్వాత, చిగుళ్ళ నుండి  రక్తం రావటం  అదీ తగ్గటానికి ఒకటి, రెండు వారాల వరకు, కొందరిలో ఇంకొంత సమయం పడుతుంది. Gum Inflamation , ఒక్కరోజులోనే క్లీనింగ్ చేసినతర్వాత తగ్గాలని ఆశించవద్దు. అలాగే పూర్తిగా తగ్గటానికి  మీ వైద్యులు చెప్పినట్లు, floss చేసుకోవటం, mouth rinses  లాంటివి ఏమయినా రికమెండ్ చేస్తే అవి వాడటం ముఖ్యం.
చిగుళ్ళ వ్యాధి పెరిగినకొద్దీ, surgical treatments అవసరపడవచ్చు. కొన్నిసార్లు పంటిని (కాపాడలేక) పీకి, దాని ప్లేస్ లో implant లు పెట్టటం లాంటివి తప్పకపోవచ్చు.

అన్నిటికంటే ముఖ్యమయినది, చిగుళ్ళ వ్యాధికి, గుండె జబ్బులకు, చక్కర వ్యాధికి లింకులు. చక్కర వ్యాధి గ్రస్తులలో చిగుళ్ళ వ్యాధి రావటం ఎక్కువ అయితే, చిగుళ్ళ వ్యాధి ని treat చేయని వారిలో, చక్కెరవ్యాధి ని తగ్గించటం కష్టం అని చూపే studies. అలాగే ఈ మధ్యన చిగుళ్ళ వ్యాధికి, గుండె జబ్బులకు,  stroke  రావటానికి strong links  ఉన్నవి అని కొన్ని స్టడీస్ చెపుతున్నాయి. గుండె జబ్బులు ఉన్న వారిలో చిగుళ్ళ వ్యాధి ఎక్కువుగా మేము చూస్తూ ఉంటె, కొన్ని స్టడీస్ చిగుళ్ళ వ్యాధి వలన కలిగే bacterial infection రక్తం లో కలసి C-reactive protein (CRP) లెవెల్స్ పెరగటానికి  తద్వారా రక్తనాళాలు clog  అవి గుండెపోటులు, strokes  రావటానికి కారణం అవుతున్నాయని సూచిస్తున్నాయి. అందుకని ఈ మధ్యన దంతవైదులు, గుండెజబ్బు నిపుణులు కలసి ట్రీట్మెంట్ planning  చేయటం కుడా జరుగుతుంది. ఉదా: బైపాస్ సర్జరీ లాంటి గుండె ఆపరేషన్లు చేసే ముందు, టైం ఉంటె, cardiologist  లు perio disease ట్రీట్ చేయించుకోమని దంతవైద్యులవద్దకు పంపటం, అలాగే periodontitis ఉన్న పేషంట్లను వాళ్ళు health చెక్ చేయించుకొని ఉండకపోతే, డాక్టర్ వద్దకు వెళ్లి, physical checkup చేయించుకోమని దంతవైద్యులు రికమెండ్ చేయటం ఇప్పుడు సర్వసాధారణం అయ్యింది.

మీ పంటి ఆరోగ్యం కోసమే కాక,  మీ ఓవరాల్ శారీరక  ఆరోగ్య అవసరార్ధం  చిగుళ్ళ వ్యాధులను దయచేసి అశ్రద్ద చేయకండి, నా ఉద్దేశ్యంలో మన వాళ్ళు ఎక్కువుగా అశ్రద్ద చేసే దంత జబ్బులలో ఇది మొట్టమొదటది, ముఖ్యంగా ప్రవాసభారతీయులలో ప్రతి నలుగురులో ఇద్దరు, ముగ్గురులో నయినా, చిగుళ్ళ వ్యాధి కనిపిస్తూ ఉంటుంది. Oral hygiene, Diabetes, untreated bloodpressure, smoking  లాంటివే కాక stress కుడా చిగుళ్ళ వ్యాధికి కారణాలలో ఒకటి.
గమనిక: చిగుళ్ళ వైద్యం అనేది చాలా పెద్ద subject,  అది దంతవైద్యం లో ఓ speciality. ఇక్కడ వీలయినంత వరకూ క్లుప్తంగా వివరించటానికి ప్రయత్నించాను. ఇంకా వివరాలు కావాలంటే periodontal disease అని అంతర్జాలంలో వెతికి చూడండి.
 ఇక్కడ వ్ర్రాసినది, కేవలం సలహా కోసం మాత్రమే, ఇది మీ డెంటల్/మెడికల్ డాక్టర్ లు మిమ్ములను చూసి ఇచ్చే ట్రీట్మెంట్లకు ప్రత్యామ్నాయం మాత్రం కాదు. మీకు దంత సమస్యలు ఉంటే మీ డెంటిస్ట్ / మెడికల్ డాక్టర్ ను సంప్రదించండి.

Saturday, November 21, 2009

గర్భిణీ స్త్రీలు, పళ్ళ గురించి తీసుకోవాల్సిన జాగ్రత్తలు.

గర్భంతో ఉన్నప్పుడు Dentist దగ్గరకు వెళ్లాలా సాధారణంగా ఆరు నెలలకో సారి వెళ్లినట్లు పళ్లు చూయించుకోవటానికి, వెళ్లితే ఎలాంటి జాగ్రత్తలు తీసుకోవాలి, ఒకవేళ గర్భంతో ఉన్నప్పుడు పళ్ల నెప్పులు వస్తే ఏమి చేయాలి అని పిల్లలకోసం plan చేసే వారు, గర్భంతో ఉన్న వారు అడుగుతూ ఉంటారు. వాటి గురించి ఈ టపా.

1. గర్భం తో ఉన్నప్పుడు డెంటిస్ట్ దగ్గరకు వెళ్లాలా?

గర్భంతో ఉన్నప్పుడు చిగుళ్లు సాధారణం గా ఎక్కువగా రక్తం కారుతూ ఉంటాయి హార్మోన్ల వలన. అందుకని ప్రతి ఆరునెలల క్లీనింగ్ కు వెళ్లె visits చాలా ముఖ్యం గర్భిణితో ఉన్నప్పుడు. అంతేకాక రోజుకు రెండు సార్లు బ్రష్ చేసుకోవటం, floss చేసుకోవటం మాములు అప్పుడు కంటే ఎక్కువ ముఖ్యం. మీ చిగుళ్ళు, మీ దంతాల పరిస్థితి ని బట్టి, మీ డెంటిస్ట్ మామూలు కంటే ఎక్కువసార్లు క్లీనింగ్స్ కూడా సూచించవచ్చు.
గర్భంతో ఉన్నప్పుడు ఏమయినా పళ్ళ నెప్పులు infections లాంటివి వస్తే వాటిని సరిగా ట్రీట్ చేయించుకోకపోతే మీతో పాటు మీ గర్భం లో ఉన్న శిశువు కు కూడా రిస్క్ కావచ్చు, కాబట్టి "అవసరమయిన" ట్రీట్మెంట్స్ చేయించుకోవటం తప్పనిసరి.

2. డెంటిస్ట్ దగ్గరకు వెళ్ళినప్పుడు ఎలాంటి జాగ్రత్తలు తీసుకోవాలి?

ముందుగా మీరు గర్భం తో ఉన్నట్లు డెంటిస్ట్ కు కాని, వాళ్ల స్టాఫ్ కు కాని చెప్పటం మర్చిపోకండి. దానిని బట్టి వాళ్లు ఎక్సరేలు తీసేటప్పుడు జాగ్రత్తలు పాటిస్తారు (ఉదా : వీలయినన్ని ఎక్సరే లు గర్భం తర్వాత తీయటం, తక్కువుగా ఎక్సరేలు తీయటం, తీసేటప్పుడు రెండు ఎక్సరే బేరియర్స్ వాడటం లాంటివి). అంతే కాకుండా ఎనస్థీషియా ఇవ్వాల్సి వచ్చినా, ఎమయినా మందులు ఇచ్చినా జాగ్రత్తలు పాటిస్తారు. ఒక్కోసారి మీ గైనకాలజిస్ట్ ను కూడా సంప్రదిస్తారు ఎమయినా ట్రీట్మెంట్ ఇవ్వాల్సివస్తే.

. పిల్లలకు పాలు ఇస్తున్నవారు డెంటిస్ట్ దగ్గర ట్రీట్మెంట్ కు వెళ్ళవచ్చా?

సుబ్బరం గా వెళ్ళవచ్చు. డెంటిస్ట్ ల వాడే ఎక్సరే లు కాని, పళ్లకు (అవసరం అయితే) ఇచ్చే ఏనాస్తీసియా మందులు novacaine/lidocaine కాని breast ఫీడింగ్ కు ఎలాంటి ప్రాబ్లెమ్స్ ఇవ్వవు. ఏమయినా అనుమానం ఉంటె మీ గైనకాలజిస్ట్ ను కనుక్కోండి కాని, అమ్ముమ్మ చెప్పింది అనో, మా పక్కింటి ఆంటీ చెప్పింది అనో మాత్రం, డెంటిస్ట్ దగ్గరకు వెళ్ళటం మానకండి.

గమనిక: ఇక్కడ వ్ర్రాసినది, కేవలం సూచనలు గానే తీసుకోండి, ఇది సలహా గా కాని, మీ డెంటల్/మెడికల్ డాక్టర్ లు మిమ్ములను చూసి ఇచ్చే ట్రీట్మెంట్లకు ప్రత్యామ్నాయం గా కాని తీసుకోకండి. మీకు దంత సమస్యలు ఉంటే మీ డెంటిస్ట్ / మెడికల్ డాక్టర్ ను సంప్రదించండి. (మా మీద సూలు గట్రాలు పడకుండా జాగ్రత్తపడే ముక్కలు అన్నమాట పైనవి :) )

Saturday, September 19, 2009

పిల్లల పళ్ల గురుంచి సాధారణం గా తల్లితండ్రులు అడిగే ప్రశ్నలు & నా సలహాలు.

నేను జనరల్ డెంటిస్ట్ ని అయినప్పటికి, చిన్న పిల్లలను కూడా ట్రీట్ చేస్తూ ఉంటాను, సాధారణంగా చిన్న పిల్లలు ఉన్న తల్లితండ్రులు నన్ను అడిగే ప్రశ్నలు వాటికి నా సలహాలు మన తెలుగు వాళ్ల కోసం.

1. ఏ వయసులో పిల్లలను డెంటిస్ట్ దగ్గరకు తీసుకుకొని వెళ్లటం మొదలు పెట్టాలి?
మొదటి పుట్టినరోజు వచ్చేటప్పటికి, అప్పటికి పళ్లు రావటం మొదలుపెడతాయి కాబట్టి. పిల్లలలో బాటిల్ త్రాగుతూ (జ్యూస్ కాని, పాలు కాని) నిద్ర పుచ్చటం, బ్రష్ సరిగా చేయకపోవటం, ముఖ్యం గా, చాక్లేట్ లు లాంటి వి తిన్న తరువాత, చాలా చిన్నపిల్లలలో కూడా (18 నెలలనుండి, 3 సంవత్సరాల పిల్లలలో కూడా) దంతక్షయం చూస్తూ ఉంటాము అందుకని.

2. పిల్లల దంత ఆరొగ్యానికి మీరిచ్చే సలహాలు
ముందు బాటిల్స్ అందులొ ముఖ్యంగా జ్యూస్  ఇచ్చి నిద్రపుచ్చే అలవాటు ఉన్నట్లయితే మానివేయండి. బాటిల్స్ 12 నెలల వయసు నుండి 18 నెలల వయసులో మానివెయటం మంచిది.
రోజుకు రెండు సార్లు పెద్ద వాళ్ల కు వలనే, పిల్లలకు కూడా పిల్లల బ్రష్ తో బ్రష్ చేయండి. ఆ వయసులో పేస్ట్ బయటకు ఊయలేరు కాబట్టి, చాలా తక్కువ పేస్ట్ వేసి బ్రష్ చేయటం మంచిది.


గమనిక: ఇక్కడ వ్ర్రాసినది, కేవలం సలహా కోసం మాత్రమే, ఇది మీ డెంటల్/మెడికల్ డాక్టర్ లు మిమ్ములను చూసి ఇచ్చే ట్రీట్మెంట్లకు ప్రత్యామ్నాయం మాత్రం కాదు. మీకు దంత సమస్యలు ఉంటే మీ డెంటిస్ట్ / మెడికల్ డాక్టర్ ను సంప్రదించండి. (మా మీద సూలు గట్రాలు పడకుండా జాగ్రత్తపడే ముక్కలు అన్నమాట పైనవి :) )